Biyl Jeńis kúnine orai Ekinshi dúniejúzi soǵysynyń ardagerlerine 805 000 teńge kóleminde qosymsha áleýmettik kómek kórsetý josparlanýda. Bul týraly Nur-Sultan qalasynyń kezekti máslihat sessiiasynda Nur-Sultan qalasynyń jumyspen qamtý jáne áleýmettik qorǵaý basqarmasynyń basshysy Sáýle Nurǵojina aitty, dep habarlaidy "Ult aqparat".
«Biyl Jeńis kúnine orai soǵys ardagerlerine 805 000 teńge kóleminde qosymsha áleýmettik kómek kórsetý josparlanýda. Áleýmettik kómek kórsetý qaǵidalary negizinde ustalatyn 195 439 teńgeni eskere otyryp 26 adamǵa 1 000 439 teńge tólenedi», - deidi Nur-Sultan qalasynyń jumyspen qamtý jáne áleýmettik qorǵaý basqarmasynyń basshysy Sáýle Nurǵojina.
Sondai-aq, ol áleýmettik kómek kórsetý qaǵidalaryna sáikes Chernobyl atom elektrostansasyndaǵy apattyń zardabyn joiýǵa qatysqan adamdarǵa 26 253 teńge tólenetinin aitty.
«Biyl Chernobyl atom elektrostantsiiasyndaǵy apattyń qurbandaryn eske alý kúnine 35 jyl tolady. Osyǵan bailanysty 75 myń teńge kóleminde qosymsha áleýmettik kómek kórsetý usynylady», - deidi ol.
Máslihat sessiiasyna qatysqan depýtattar bul usynysty biraýyzdan qoldap, sheshim qabyldady.
