Qaraǵandy oblysynyń ákimi Jeńis Qasymbek politsiiaǵa jol ústindegi baqylaý jumystaryn kúsheitýdi tapsyrdy, – dep habarlaidy «Ult aqparat».
«Búgin túnde mas kúide kóliktiń tizginine otyrǵan júrgizýshiniń kesirinen bolǵan jol kólik oqiǵasy úlken qoǵamdyq pikir týdyrdy. Ótken aptada jol erejesin óreskel buzǵan júrgizýshiniń kesirinen qoǵamdyq kólik aýdaryldy, budan basqa, tas jolda bolǵan eki jol apatynan 8 adam kóz jumdy. Eń aldymen, bul jerde adamdar men olardyń týǵan týystarynyń taǵdyry aýyr synǵa tap boldy» dep jazdy Jeńis Qasymbek Facebook-tegi paraqshasynda.
Sondai-aq, ol politsiia qyzmetine jol ústindegi baqylaý jumystaryn kúsheitýdi tapsyrǵanyn aitty.
«Áýesqoi avtomobilshiler men jaiaý júrginshiler, bárińizden jolda júrý etikasyna kóńil bólip, jol júrý erejelerin saqtaýlaryńyzdy suraimyn. Ózderińizdiń jáne týystaryńyzdyń ómirine abai bolyńyzdar!» degen keńes berdi oblys ákimi.
