Qaraǵandy oblysynyń ákimi Jeńis Qasymbek Buqar Jyraý jáne Abai aýdandarynyń sý tasý qaýpi bar ýchaskelerin aralady, dep habarlaidy "Ult aqparat".
Eń aldymen ol Qulaiǵyr aýylynda boldy. Munda osyǵan deiin bolǵan sý tasqyny kezinde bógettiń aptty jaǵdaida bolýyna bailanysty eldi mekendi sý basý qaýpi týyndaǵan edi.
Munda sý tasqynynan qorǵaityn «Topar» bógeti bar. Ol 1937 jyly salynǵan, kóptegen jyldardan beri onyń tozyǵy jetken. 2020 jyly gidrotehnikalyq qurylysty kúrdeli jóndeý bastaldy. Jumystardy biyl aiaqtaý josparlanyp otyr.
Sondai-aq, Topar ózeniniń arnasyna 2,6 shaqyrym arnasyna júrgizilgen 2020 jyly júrgizilgen sanatsiialaý jumystary tekserildi. Odan keiin óńir basshysyna Sherýbai-Nura ózeniniń shamamen 17 shaqyrym arnasyn sanatsiialaý jumysy týraly aityldy.
Jeńis Qasymbek Sherýbai-Nura jáne Yntymaq sý qoimalarynyń sý torabyn, Sasyqkól kólin, sondai-aq Aqtóbe, Jańatalap, Qyzyljar jáne Tegisjol aýyldaryn aralap kórdi.
Kelesi at basyn tirigen jer Sadovoe aýyly boldy. Aýyl 2015-2017 jyldary kóktemde sý astynda qaldy. Osy jaǵdai qaitalanbaýy úshin 2017 jyly 3,6 shaqyrymdy alyp jatqan qorǵanys maqsatynda salynǵan dýal qaita nyǵaityldy.
Sodan keiin Chkalovo aýyly tekserildi, onda 2017 jyly uzyndyǵy 2,5 shaqyrym qorǵanys dýaly salyndy.
Sondai-aq, Jeńis Qasymbek Samarqan sý qoimasynyń gidrotorabynda boldy.
Kelesi kezekte oblys basshysy Ǵabiden Mustafin kentiniń ainalasynda turǵyzylǵan qorǵanys dýalyn tekserdi.
Kóp jyldyq baqylaýlar negizinde oblysta avtomobil jáne temir joldarynyń 139 sý tasqyny qaýpi bar ýchaskeleri, sondai-aq sý tasqynyna beiim 174 eldi meken anyqtaldy. Olardyń barlyǵy erekshe baqylaýǵa alyndy.
Ǵaryshtyq monitoring derekteri boiynsha búgingi tańda oblys aýmaǵynyń 85%-yn qar basyp jatyr. Qazir Qazgidromet mamandary sý tasqyny kezeńine naqty boljam berý úshin zertteýler men ólsheýler júrgizýde.
Azamattyq qorǵaýdyń oblystyq kishi júiesiniń kúshteri men quraldary daiyndyqqa keltirildi. Bul 6 700 adam jáne 1 600 birlik tehnika.
Ushaqtan baqylaý qorytyndysy boiynsha óńir basshysy qar kúreý jáne shyǵarý, gidroqurylystar arqyly sý ótkizý jumystaryn nazarda ustaýdy tapsyrdy.
Aita keteiik, 2020 jyly Qaraǵandy oblysynyń 33 eldi mekeniniń aýmaǵynda 22 shaqyrymnan astam qorǵanys bógetteri men úiindileri salyndy jáne nyǵaityldy, 9 shaqyrymnan astam sý burý arnalary salyndy jáne jóndeldi, sý túbin tereńdetý, jaǵalaýdy bekitý jumystary júrgizildi, ózen arnalarynyń 12 shaqyrym sý tasqyny qaýpi bar ýchaskeleri tazartyldy jáne keńeitildi, 65,5 shaqyrym drenajdyq jáne sý burý júieleri tazartyldy, 74 ýchaskede sý ótkizý qabileti ulǵaityldy.
Jalpy, 2015 jyldan bastap 2020 jylǵa deiin oblysta 220 shaqyrym qorǵanys úiindileri turǵyzylyp, nyǵaityldy, eldi mekenderdegi 67 shaqyrym ózen arnalarynyń sý tasqyny qaýpi bar ýchaskeleri tazartyldy.
