«Ózińdi kút, abai bol» beineroliginiń avtorlary maska taǵý, áleýmettik qashyqtyqty ustaný, jaqynynyń densaýlyǵyna qamqor bolýǵa shaqyrdy.
Olar aty ańyzǵa ainalǵan Viktor Tsoi ánderiniń negizinde turǵyndardy saqtyq sharalaryn qoldanýǵa shaqyryp otyr. Áleýmettik jelide rolik tez taralyp, paidalanýshylar avtorlardyń bul ideiasyn jaqsy qabyldady, dep habarlaidy QazAqparat.
Video QR Densaýlyq saqtaý ministri Aleksei Tsoidiń maskany mindetti túrde taǵý jáne áleýmettik qashyqtyqty saqtaý úndeýinen bastalady. Odan keiin rolikten meditsinalyq qyzmetkerlerdiń koronavirýspen tikelei kúres júrgizip otyrǵan emhanadaǵy kadrlardy kórýge bolady.
Budan basqa, rolikte jaǵdaidy turaqtandyrýǵa úlesin qosyp otyrǵan eriktiler, politseiler, sanitarlardyń jumysy da kórsetilgen.
Ándi oryndaǵan - Petr Pogodaev, mátinin jazǵan – Dáýit Shaihislamov, Málik Hasenov, Aleksei Maklai jáne Sanat Shapashov.
Osylaisha, roliktiń avtorlary turǵyndardy ózderi, jaqyndaryna kútim jasap, maska taǵýǵa, qashyqtyqty ustanýǵa jáne abai bolýǵa shaqyrdy.
Atlǵan videony túrli pablikter men áleýmettik jelilerde 1 million adam kórgen.
