Jelide Shymkentte halyq kóptigine bailanysty ótpei qalǵan kontserttiń videosy tarap jatyr, - dep habarlaidy Tengrinews.kz.
Belgili bloger Dáýlet Muqaev ta Instagram-paraqshasynda Shymkentte ótpei qalǵan kontsert týraly jazdy.
"Shymkentte tegin kontsert bolmaq edi... Sóitip, kontsert bolmai qaldy. Sebebi adam óte kóp. Tegin nárseniń qadiri joq degen osy", - dedi ol.
dauletten Instagram-paraqshasynan
Video Instagram-daǵy shymkent.online paraqshasynda da jariialanǵan. Onda kontsertke jinalǵan halyqtyń qarasy kóp ekenin kórýge bolady.
"Shymkentte keshe tegin kontsert ótýi kerek edi, biraq bárine oryn jetpedi. Adamdar qysylyp, esikterdi syndyra bastady. Osyǵan bailanysty kontsert ótkizilmedi", - delingen videoda.
Jeli qoldanýshylary bul qaiyrymdylyq maqsattaǵy tegin kontsert ekenin jazǵan. Alǵashynda ál-Farabi alańynda ótkizilýi kerek bolǵan eken. Alaida pikir bildirýshilerdiń aitýynsha, kún buzylyp, Túrkistan saraiyna aýystyrylǵan. Al onda 1500 adamǵa ǵana oryn bar. Úlgermegender osylai janjal shyǵarǵan.
Kópshiligi bul jaǵdaiǵa qatysty jaǵymsyz pikir jazǵan:
Jabaiylar, tegin bolsa boldy.
Bul - jabaiylyq emes, bizdiń mádeni bolashaǵymyz.
Uiatyn-ai.
Bári ádettegidei, múlde tańǵalmaimyn.
Tegin degen jaqpaidy bizdiń halyqqa
Bizde bári kontsertti jaqsy kóredi, ásirese, tegin bolsa!
