Atyraý kóshelerinde reseilik nómirli kóliktegi jolaýshylar beiádep qylyq kórsetken. Olardyń áreketine jeli qoldanýshylary narazylyq tanytty, - dep habarlaidy Tengrinews.kz agenttigi.
Video Instagram jelisindegi @atyrauoil.official paraqshasynda jariialandy. Videodan Kia Sorento kóliginiń eki jolaýshysy jol erejesin buzǵany kórinedi. Olar kólikti basqaryp kele jatyp, alkogoldik ishimdikke uqsaityn sýsyn iship, kólikten denelerin shyǵarady. Tipti videoda sýsynda eki er adamnyń bir-birine berip jatqany kórinedi.
Jeli qoldanýshylary kóliktiń baǵdarshamnyń qyzyl túsine ótip ketkenin de baiqapty.
Politsiia kólik tabylyp, aiyppul turaǵyna qoiylǵanyn, júrgizýshi men jolaýshylardy izdestirip jatqandaryn málimdedi.
"Áleýmettik jelide júrip kele jatqan Kia Sorento kóliginen shyǵyp, alkogoldik ishimdik ishken adamdardyń videosy tarady. Bul derek boiynsha dereý patrýldik politsiia bólimsheleri jumyldyryldy.
Qazirgi ýaqytta politseiler atalǵan kóliktiń júrgizýshisi men jolaýshylaryn anyqtap, izdestirip jatyr. Ustalǵannan keiin elimizdiń zańnamasyna sáikes jaýapkershilikke tartylady", - dep habarlady Atyraý oblystyq Politsiia departamentinen.
