Jelide er adamnyń basqa bir er adamdy myltyqpen atyp jibergeni túsirilgen video tarady. IIM atalǵan videoǵa qatysty pikir bildirdi, - dep habarlaidy Tengrinews.kz agenttigi.
YouTube-ta taraǵan videoda "Reseilik er adam Qyrym úshin aqtaýlyqty atyp tastady" degen jazbamen jariialanǵan.
"Bul video shyndyqqa janaspaidy. Osy feikti Jelide taratqan er adamdardyń is-áreketterine tiisti quqyqtyq baǵa beriletin bolady. Barlyq tulǵalar anyqtalyp, politsiiaǵa jetkizildi", - delingen habarlamada.
Aita keteiik, QR IIM resmi telegram-kanalynda "atylǵan" er adamnyń aman-esen ekeni týraly taǵy bir video jariialandy. Ol bul videony olardyń Ermek esimdi dosyn aldaý úshin arnaiy túsirgenin aitty.
"Biz Ermek dosymyzdy osylai aldap, týǵan kúnimen quttyqtadyq", - deidi er adam videoda.
