Qyzylorda oblysy prokýratýrasy Jelide taraǵan videoǵa qatysty pikir bildirdi. Onda "prokýrordyń áieli" kúzetshige dóreki sóilep jatqany túsirilgen, - dep habarlaidy Massaget.kz.
Áleýmettik jelide Qyzylorda oblysynda túsirildi degen video tarap jatyr. Onda áiel kúzetshige aiǵailap, balaǵat sózder aitady jáne kúieýi "aimaq prokýrory" ekenin, ol muny bei-jai qaldyrmaitynyna ýáde beredi. Sonymen qatar, áiel ózine aitylǵan qorlaýǵa jaýap retinde osyndai áreket jasaǵanyn málimdeidi.
Videoǵa qaraǵanda, janjaldyń shyǵýyna kólikti avtoturaqqa durys qoimaý sebep bolǵan.
Qyzylorda oblysynyń prokýratýrasy áleýmettik jelidegi videoǵa qatysty pikir bildirdi.
"Áleýmettik jelilerde "Qyzylorda oblysy prokýrorynyń áieli" kúzetshige "qoqań-loqqy" jasady degen aqparat tarap jatyr. Bul shyndyqqa janaspaidy. Oblys prokýrorynyń áieli - Bijanova Tatiana Anatolevna. Videoǵa basqa áiel túsirilgen", - delingen habarlamada.
Sondai-aq, Prokýratýra jala jabatyn aqparatty taratqandarǵa zańmen belgilengen jaýapkershilik qarastyrylǵanyn eskertti.
