Instagram: @Anel.bermagambet
Qazaqstandyq Anel Bermaǵambetova Laosta quldyqta ekenin málimdedi, - dep habarlaidy Tengrinews.kz.
Aktrisa Anel Bermaǵambetova Instagram-paraqshasynda Tailandqa jumysqa shaqyrylǵanyn jazǵan. Anel olar alǵashynda jaqsy kútip alǵan, biraq keiin Laosqa aparǵanyn, al onda segiz adamǵa arnalǵan bólmege ornalastyrǵanyn aitqan. Onyń telefony ózinde.
"Laosta bolǵanyma tórtinshi kún, bólmede jalǵyzbyn, eshkimdi kirgizbeimin, keshe qytailyqpen mundai shartpen jumys istemeitinimdi jáne ushý shyǵyndaryn ótep, úige ushyp kete alatynymdy aityp, sóilesýge tyrystym. Ol bul kelip-ketetin jer emesin aitty, munda bir jyl turýym keregin jetkizdi, sáikesinshe men shoshyp kettim. Kompaniia alaiaq bolyp shyqty, maǵan klienttermen jumys jónindegi menedjerdiń jumysyn oryndaý kerek boldy", - dep jazǵan ol.
Sondai-aq, Anel Qazaqstandaǵy jaqyndary Qyzylorda oblysy Politsiia departamentine ótinish jazǵanyn, Vetnamnyń, Tailandtyń, Reseidiń Laostaǵy elshiligine shyqqanyn aitty.
"Men Laosta kepilge alyndym. Bul jerde olardyń jalǵa alǵan belgili bir jer ýchaskesi bar ekeni belgili boldy, onda olar mundai zańsyz áreketterdi júzege asyra alady. Bul jazbany úkimettik qurylymdar - Qazaqstan SIM, Qazaqstan Bas prokýratýrasy, Qazaqstan IIM nazar aýdarsyn, olar maǵan bul jerden shyǵýǵa kómektesse eken degen maqsatta jazyp otyrmyn", - degen ol.
Qyzylorda oblysy Politsiia departamenti málimetinshe, bul derekke qatysty QR Qylmystyq kodeksiniń 126-baby 1-bóligi boiynsha (Adam urlaýǵa bailanysty emes bas bostandyǵynan zańsyz aiyrý) qylmystyq is tirkelip, sotaldy tergep-tekserý bastalǵan.
"Tergep-tekserý nátijesinde anyqtalǵan málimetterge sáikes resmi aqparattar qosymsha usynylady. Oqiǵa týraly QR Syrtqy ister ministrligine habarlandy. Jábirlenýshiniń aǵasymen bailanys ornatyldy. Sonymen qatar, QR Konsýldyǵy departamentine hat joldandy", - delingen habarlamada.
