Jelide KamAZ-ǵa itti bailap, súirep bara jatqandardyń videosy tarady, - dep habarlaidy Tengrinews.kz.
Videodan kóliktegiler janýardy ábden qinaǵanyn baiqaýǵa bolady. Tipti júre almai qalǵan itti asfalt ústimen súirep júrgenin de kórýge bolady. Video avtorynyń sózinshe, bul jaǵdai Almaty oblysy, Talǵar aýdanyndaǵy Erkin aýylynda bolǵan.
Politseiler atalǵan quqyqbuzýshylyq Talǵar aýdandyq politsiia bóliminde tirkelgenin málimdedi.
"Quqyqbuzýshylyq Talǵar aýdany politsiia bóliminde tirkeldi. Tekserý atalǵan bólimsheniń qyzmetkerlerine tapsyryldy. Quqyq buzýshyny mindetti túrde anyqtap, shara qoldanamyz", - dedi Almaty oblysy Politsiia departamenti bastyǵynyń tergeý jónindegi orynbasary Rýstam Ábdirahmanov.
