Aqtóbe oblysynyń politsiiasy narazylyqtar kezinde ákimdikke basyp kirgen adamdardyń videosyn jariialady, dep habarlaidy Sputnik Qazaqstan.
Búlikshiler ǵimarattyń tas-talqanyn shyǵarǵan. Birneshe adam portretterdi bótelkemen tesip tastaǵan. Odan keiin kezek-kezek taptap ótken.
"Biyl 5 qańtarda miting kezinde narazylyq bildirýshiler Aqtóbe oblysy ákimdiginiń ǵimaratyn basyp aldy. Birneshe kabinetti qiratyp, turmystyq tehnikany urlap, zaqymdady. Olardyń jihaz men terezelerdi syndyrǵany videoda kórinip tur", - deidi politseiler.
Kadrda bir top jas politsiiany uryp júr. Tártip saqshylary bir bólmege tyǵylýǵa májbúr boldy. Biraq búlikshiler toqtaǵan joq. Esik-terezesin buzyp, ishki qarai ótýge tyrysty. Bir adamnyń olardy toqtatyp jatqany anyq kórinedi.
Aqtóbe oblystyq ákimdiktiń málimetine sáikes, ǵimarattyń ishi jáne syrty zaqymdandy. Shyǵynnyń kólemi, shamamen, 300 million teńgeni qurap otyr.
