Beisenbi, 18 naýryzda elimizdiń kei jerlerinde tuman túsip, kóktaiǵaq bolady, jel kúsheiedi, batysta jaiaý burqasyn, kúndiz ońtústik-batysta shańdy daýyl soǵady, dep habarlaidy "Ult aqparat" Qazgidrometke silteme jasap.
Qazaqstannyń basym bóliginde antitsiklon shoǵyry áserinen jaýyn-shashynsyz aýa raiy saqtalady. Tek elimizdiń batysynda atmosferalyq aǵyndardyń ótýine bailanysty kei jerlerde jaýyn-shashyn (jańbyr, qar), soltústik-shyǵysynda azdaǵan qar jaýady. Elimizdiń kei jerlerinde tuman, kóktaiǵaq bolady, jel kúsheiedi, batysta jaiaý burqasyn, kúndiz ońtústik-batysta shańdy daýyl soǵady.
Mańǵystaý oblysynyń kei jerlerinde naizaǵai oinap, jel soǵady, kei jerlerde jyldamdyǵy 17-22 m/s jetedi, kúndiz shańdy daýylmen kúsheiedi. Aqtóbe oblysynyń kei jerlerinde jaiaý burqasyn soǵady, kúndiz kei jerlerde kóktaiǵaq bolady, jel 15-20, kúndiz ekpini 23 m/s kúsheiedi. Qyzylorda oblysynyń kei jerlerinde tuman túsedi, jel túnde kei jerlerde 15-20 m/s, kúndiz 15-20, ekpini 23 m/s kúsheiedi.
Jambyl oblysynyń kei jerlerinde tuman túsedi, jel 15-20, kúndiz ekpini 23-28 m/s jetedi.
Batys Qazaqstan, Qostanai oblystarynyń kei jerlerinde tuman túsip, kóktaiǵaq bolady, Batys Qazaqstan oblysynyń kei jerlerinde jel 15-20 m/s kúsheiedi.
Soltústik Qazaqstan oblysynyń kei jerlerinde tuman túsedi, túnde kei jerlerde jel 15-20 m/s kúsheiedi.
Aqmola, Túrkistan, kúndiz Qaraǵandy oblystarynyń kei jerlerinde jel 15-20 m/s, Atyraý oblysynyń kei jerlerinde 17-22 m/s kúsheiedi.
Almaty, túnde jáne tańerteń Shyǵys Qazaqstan oblystarynyń kei jerlerinde tuman túsýi múmkin.
