QR Qarjy ministri Erulan Jamaýbaev qansha memlekettik nysannyń jekeshelendirýge qoiylǵanyn málim etti, dep habarlaidy "Ult aqparat".
«Jekeshelendirýdiń 2021-2025 jyldarǵa arnalǵan keshendi josparynda 673 nysandy satý kózdelgen», - dedi Qarjy ministri búgingi Úkimet otyrysynda.
Ministrdiń aitýynsha, jyl basynan beri 16,7 mlrd teńgege 27 nysan satyldy jáne keiinnen satyp alý quqyǵymen senimgerlik basqarýǵa berildi.
«36 nysan satylymǵa qoiyldy. 5 nysan taratylýǵa jiberildi. Aldaǵy ýaqytta 605 nysandy ótkizý kerek», - dedi Erulan Jamaýbaev.
Buǵan deiin Qarjy ministri memlekettik aýdit nátijesinde qarjylyq buzýshylyqtar anyqtalǵanyn málimdegen edi.
«87 mlrd teńgege qarjylyq buzýshylyqtar anyqtaldy. Taýarlardy jetkizý, qyzmetterdi kórsetý jáne jumystardy oryndaýdy qalpyna keltirý, biýdjetke óteý jáne esepke alý jolymen 68 mlrd teńgege buzýshylyqtar joiyldy. Aýdit nysandary qyzmetiniń tiimdiligin jetildirý jáne arttyrý úshin 1 227 usynym berildi», - deidi Jamaýbaev.
