Memleket basshysy Qasym-Jomart Toqaev Úkimettiń keńeitilgen otyrysynda Qazaqstandaǵy balabaqsha máselesine toqtaldy, - dep habarlaidy "Ult aqparat".
"Taǵy bir túitkilge toqtalsam. Jekemenshik balabaqshalarda balalardy uryp-soǵý derekteri bar. Sonymen qatar jumys istemeitin balabaqshalarǵa qarjy bólý kóbeiip ketti. Munyń bári olardyń qyzmeti ashyq emes ekenin, azamattyq jaýapkershiligi joqtyǵyn kórsetedi. Basqasha aitqanda, qoǵam talabyna sai emes.
2011 jyly balabaqshalardyń litsenziia boiynsha jumys isteý tártibin toqtattyq. Memleket bul qadamǵa amalsyzdan bardy. Óitkeni, mektep jasyna deiingi balalardy balabaqshamen barynsha qamtýymyz kerek boldy. Bul rette, jeke sektordyń áleýetin paidalaný mańyzdy edi. Nátijesinde 2 jáne 6 jas aralyǵyndaǵy balalardyń 88 paiyzdan astamy balabaqshamen qamtyldy. Endi qyzmet kórsetý sapasyn arttyratyn kez keldi. Úkimet osy máseleni muqiiat qarastyrýy kerek. Litsenziialaý tártibin qaita engizý, eń aldymen, memleketke emes, qoǵamǵa qajet shara. Óitkeni, basty maqsat – balalardyń qaýipsizdigin qamtamasyz etý" - dedi Prezident.
