مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا قازاقستانداعى بالاباقشا مەسەلەسٸنە توقتالدى, - دەپ حابارلايدى "ۇلت اقپارات".
"تاعى بٸر تٷيتكٸلگە توقتالسام. جەكەمەنشٸك بالاباقشالاردا بالالاردى ۇرىپ-سوعۋ دەرەكتەرٸ بار. سونىمەن قاتار جۇمىس ٸستەمەيتٸن بالاباقشالارعا قارجى بٶلۋ كٶبەيٸپ كەتتٸ. مۇنىڭ بەرٸ ولاردىڭ قىزمەتٸ اشىق ەمەس ەكەنٸن, ازاماتتىق جاۋاپكەرشٸلٸگٸ جوقتىعىن كٶرسەتەدٸ. باسقاشا ايتقاندا, قوعام تالابىنا ساي ەمەس.
2011 جىلى بالاباقشالاردىڭ ليتسەنزييا بويىنشا جۇمىس ٸستەۋ تەرتٸبٸن توقتاتتىق. مەملەكەت بۇل قادامعا امالسىزدان باردى. ٶيتكەنٸ, مەكتەپ جاسىنا دەيٸنگٸ بالالاردى بالاباقشامەن بارىنشا قامتۋىمىز كەرەك بولدى. بۇل رەتتە, جەكە سەكتوردىڭ ەلەۋەتٸن پايدالانۋ ماڭىزدى ەدٸ. نەتيجەسٸندە 2 جەنە 6 جاس ارالىعىنداعى بالالاردىڭ 88 پايىزدان استامى بالاباقشامەن قامتىلدى. ەندٸ قىزمەت كٶرسەتۋ ساپاسىن ارتتىراتىن كەز كەلدٸ. ٷكٸمەت وسى مەسەلەنٸ مۇقييات قاراستىرۋى كەرەك. ليتسەنزييالاۋ تەرتٸبٸن قايتا ەنگٸزۋ, ەڭ الدىمەن, مەملەكەتكە ەمەس, قوعامعا قاجەت شارا. ٶيتكەنٸ, باستى ماقسات – بالالاردىڭ قاۋٸپسٸزدٸگٸن قامتاماسىز ەتۋ" - دەدٸ پرەزيدەنت.
