Almaty oblysyndaǵy kompaniia QHR-daǵy biznes seriktesterimen birge gýmanitarlyq kómek retinde óńirge 60 myń tegin meditsinalyq maska jetkizdi, dep habarlaidy "Ult aqparat".
Koronavirýspen kúres sharalary úshin Qazaqstanǵa jalpy sany 228 myńnan astam bir rettik paidalanatyn úsh qabatty meditsinalyq maska tegin berildi.
«Jiaxin International Resources Investment Co., Ltd» korporatsiiasynyń vitse-prezidenti, «Jetisý Volframy» JShS atqarýshy direktory Nazar Terlyganyń aitýynsha, meditsinalyq maskany jetkizý Qazaqstan Respýblikasynyń Syrtqy ister jáne Densaýlyq saqtaý ministrlikteriniń, sol siiaqty Qyzyl Jarty Ai qoǵamynyń tikelei qoldaýymen júzege asyrylǵan.
«Kompaniia óziniń strategiialyq seriktesteriniń biri «Jiangxi Cooper Corporation» korporatsiiasymen birge Qazaqstannyń Qyzyl jarty ai jedel qyzmeti arqyly kómek kórsetýde. Gýmanitarlyq kómek kórsetý - jumysymyzdyń bir bóligi», - dedi ol.
Atap ótsek, atalmysh kompaniia volfram kenin óndirýge mamandanǵan. Investitsiialyq joba byltyrdan beri Eńbekshiqazaq aýdanynda júzege asyrylýda, qazir 400 jumys orny ashylǵan.
