Foto: QR DSM
Qazaqstan Respýblikasy Densaýlyq saqtaý ministrligi qyzmetkerlerdiń jeke meditsinalyq kitapshalaryn baqylaýdy tsifrlyq formatqa kóshirdi, dep habarlaidy Ult.kz.
Bul jumys e-SEN platformasynda sanitariialyq-epidemiologiialyq qadaǵalaý servistik baǵdarlamasyn iske qosý aiasynda júzege asyrylyp otyr.
Jańa júie personaldyń jeke meditsinalyq kitapshalarynyń qoldanylý merzimin avtomatty túrde qadaǵalap, jumys berýshilerge ruqsattyń aiaqtalǵany týraly habarlaidy. Bul meditsinalyq tekserýden ótpegen qyzmetkerlerdi der kezinde shettetýge jáne infektsiialyq aýrýlardyń taralý qaýpin azaitýǵa múmkindik beredi.
Tsifrlyq baqylaý sanitariialyq-epidemiologiialyq qadaǵalaýdyń biryńǵai júiesine engizilgen. Qazirgi tańda platformada 178 myńnan astam obekti, 95 myńnan astam kásipkerlik sýbekt tirkelip, 104 myńnan astam paidalanýshy qamtylǵan.
Júie qashyqtan profilaktikalyq baqylaý júrgizýge, buzýshylyqtardy taldaýǵa jáne qaǵaz qujat ainalymyn tolyqtai joiýǵa múmkindik beredi. Al 2026–2027 jyldary sanitariialyq-epidemiologiialyq jai-kúiiniń tolyq tarihyn qamtityn obektiniń tsifrlyq pasporty engiziledi.
Joba sanitariialyq qaýipterdiń aldyn alýǵa jáne qadaǵalaý qyzmetiniń ashyqtyǵyn arttyrýǵa baǵyttalǵan.
