Almatyda jedel járdem júrgizýshisi Nikolai Kýchmany uryp-soqqan 28 jastaǵy túrik azamatynyń videoúndeýi jariialandy, dep habarlaidy Sputnik agenttigi.
"Men 18 qyrkúiek kúni Naýryzbai batyr men Maqataev kósheleriniń qiylysynda jasaǵan áreketim úshin Qazaqstan halqynan jáne jedel járdem júrgizýshisi Nikolai Grigorevich Kýchmadan shyn júrekten keshirim suraimyn ", — dep málimdedi Ali Demir.
Ol videoda Qazaqstanda jeti jyldan beri turyp jatqanyn aitqan. Úilengen, bes ailyq qyzy bar, áieli men balasy – Qazaqstan azamaty.
"Meniń áreketimnen otbasymnyń zardap shekkenin qalamaimyn. Qazaqstandyqtardan otbasym úshin, qyzym úshin túsinistik tanytýyn ótinemin. Qazaqstan halqynan jáne Nikolai Kýchmadan taǵy da keshirim suraimyn!" — dep atap ótken videoúndeýde Ali Demir.
Aita keteiik, politsiia 18 qyrkúiek kúni 28 jastaǵy Túrkiia azamatyn ustap, ýaqytsha ustaý abaqtysyna qamady. Degenmen ol keiinirek kepilmen bosatyldy.
Qoǵamdyq rezonans týdyrǵan video áleýmettik jeliler men messendjerlerde taraldy. Rolikte er adam jedel járdem kóligin toqtatyp, qart júrgizýshini birneshe ret urǵany kórinedi.
