QR Densaýlyq saqtaý ministriniń mindetin atqarýshy Lázzat Aqtaeva jedel járdem shaqyrǵan kezde nelikten kelmeitindigin túsindirip berdi, dep habarlaidy "Ult aqparat".
«Jedel meditsinalyq kómek shaqyrǵan kezde kelmei jatady. Olar shaqyrtýlardy sanatqa bóledi. 1, 2, 3 sanat - bul jedel meditsinalyq kómek kórsetýdi talap etetin jaǵdailar. Óitkeni, der ýaqytynda kómek kórsetilmese, onda adam ómirine qaýip tónedi. Buǵan qosa, shaqyrtýlardyń 4-shi sanaty bar. Ol ambýlatoriialyq-emhanalyq uiymdar janynan ashylǵan shuǵyl meditsinalyq kómek bólimshelerine shaqyrtýlardy baǵyttap otyrady. Ol jerde jedel kómek brigadasy kezekshilik etedi jáne ózderiniń aýmaqtaryna bekitilgen halyqqa barady», - dedi ol Ortalyq kommmýnkatsiialar qyzmetindegi brifingte.
Osy rette ministr mindetin atqarýshy eger patsient jedel járdem shaqyrtýǵa kelýi tiis dep sanaityn bolsa ne isteýi kerektigin túsindirdi.
«Eger patsient qalai bolǵanda da jedel kómek shuǵyl jetýi tiis dep sanaityn bolsa, onda dispetcherge jedel meditsinalyq kómektiń bailanys ortalyǵyna qosýyn ótinýi tiis. Biz bailanys ortalyǵyndaǵy mamandar sanyn arttyrdyq. Sondyqtan aqparat berý múmkindigi tolyq kólemde kórsetiledi, - dedi Lázzat Aqtaeva.
