Foto: ashyq derekkóz
Jazýshy, dramatýrg, stsenarist Ákim Tarazi 92 jasqa qaraǵan shaǵynda ómirden ótti.
Qasym-Jomart Toqaev asa kórnekti jazýshy, dramatýrg, Qazaqstannyń Eńbek Eri Ákim Tarazidiń qaitys bolýyna bailanysty onyń jubaiy, Memlekettik syilyqtyń iegeri Roza Muqanova men balalaryna kóńil aitty.
"Ákim Tarazi búkil sanaly ǵumyryn sóz ónerine arnaǵan, tól ádebietimiz ben mádenietimizdi tórge ozdyrǵan ultymyzdyń birtýar perzenti edi. Daryndy qalamger qazaq prozasynyń kókjiegin keńeitti, ulttyq kino jáne dramatýrgiia salasyna ólsheýsiz úles qosty. Asyl muratynan eshqashan ainymaǵan qalam iesin kózi qaraqty oqyrman «Ádebiet áleminiń Ákimi» dep ardaq tutty, ziialy qaýym onyń shyǵarmashylyǵymen qatar adamgershilik qasietterin erekshe baǵalady. Ónegeli ómir súrip, sońyna mol mura qaldyrǵan Ákim Tarazidiń jarqyn beinesi halqymyzdyń júreginde máńgi saqtalady", – delingen jedelhatta.
Ákim Úrtaiuly Áshimov (Ákim Tarazi) 1933 jyly 9 qyrkúiekte Almatyda dúniege kelgen. Qazaqstannyń eńbek sińirgen qairatkeri (1999). Qazaqstan Respýblikasynyń Memlekettik syilyǵynyń laýreaty (2007). Qazaq ulttyq óner ýniversitetiniń professory.
1956 jyldan eńbek jolyn bastaǵan. Jambyl oblysynyń Shý aýdany muǵalim (1956-58), "Ara" jýrnalynda feletonist (1958-59), "Qazaqstan pioneri" gazetinde jaýapty hatshy (1962- 70), "Qazaqfilm" kinostýtsiiasynda stsenariilik redaktsiialyq alqa múshesi, bas redaktor, 1970-71 "Literatýrnaia gazetanyń" Qazaqstan boiynsha tilshisi, 1971-80 jyldary Qazaqstan Kinematografiialyq odaǵy basqarmasynyń 1-hatshysy boldy. 1986- 91 jyldary Qazaqstan Jazýshylar odaǵynyń hatshysy, 1991-93 jyldary Qazaqstan Resýpblikasy Mádeniet ministrliginiń keńesshisi, 1993-95 jyldary "Qarjy-qarajat" jýrnalynyń bas redaktory qyzmetterin atqardy. 1995 jyldan T.Júrgenov atyndaǵy óner akademiiasynyń dotsenti. 2009 jyldan Qazaq ulttyq óner ýniversitetiniń professory.
