Atyraýda Jaiyq ózeniniń muzy oiylyp, sýǵa túsip ketken eki jasóspirimdi politsiia qyzmetkeri qutqardy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, oqys oqiǵa 11 naýryzda bolǵan.
«Atyraý qalasyndaǵy Balyqshy shaǵyn aýdanynda 15 jastaǵy eki jasóspirim keshki saǵat 20:00 shamasynda Jaiyq ózeniniń muzyna túsip ketken. Olardyń kómekke shaqyrǵan daýsyn estigen tpolitsiia kapitany Asqar Qabdollaev jedel qutqarýǵa kirisken. Eki jasóspirimdi ázer sýdan alyp shyqqan politsei olardy úiine aparyp, jedel-járdem qyzmetkerlerin shaqyrtqan. Qutqarylǵan Vladimir jáne Danildiń biri – kolledj stýdenti, ekinshisi – 8-synyp oqýshysy», - dep habarlady departamenttiń baspasóz qyzmetinen.
Dárigerlerdiń aitýynsha, jasóspirimderdiń densaýlyǵyna tónip turǵan qaýip joq. Salqyn sýǵa túskendikten denesi tońyp qalǵan, Tiisti em-dom jasalady. Qutqarylǵan Vladimirdiń aǵasy Aleksandr Krishnevskii politsiia kapitany Asqar Qabdollaevqa rizashylyǵyn bildirip, muny úlken erlikke balady.
