1 sáýirden bastap Qazaqstannyń batysynda keń aýqymdy «Bekire» balyq qorǵaý aktsiiasy bastaldy, dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
Qazaqstannyń tabiǵat qorǵaý jáne quqyq qorǵaý organdarynyń kúsh-jigerin biriktirý kezinde 2021 jylǵy 1 sáýir men 31 mamyr aralyǵynda Atyraý, Mańǵystaý jáne Batys Qazaqstan oblystarynda keń aýqymdy «Bekire»balyq qorǵaý aktsiiasy ótedi.
Esterińizge sala keteiik, jyl saiyn balyq qorǵaý sharalarynyń tiimdiligin arttyrý úshin ekologiia, geologiia jáne tabiǵi resýrstar, ishki ister ministrleriniń jáne QR Ulttyq qaýipsizdik komiteti tóraǵasynyń «Bekire «balyq qorǵaý aktsiiasyn ótkizý týraly birlesken buiryǵyna qol qoiylady.
Balyqtardyń baǵaly túriniń ýyldyryq shashý kezeńinde balyqtardyń, onyń ishinde bekire túrleriniń ýyldyryq shashý oryndaryna kóshýin qamtamasyz etý maqsatynda zańsyz balyq aýlanýyna jáne ainalymyna qarsy is-qimyl boiynsha kúsh biriktiriledi. Osy maqsat úshin balyq qorǵaý aktsiiasyn ótkizý kezinde quqyq qorǵaý jáne tabiǵat qorǵaý organdarynyń ózara is-qimyly jónindegi úilestirý shtabynyń quramy, sondai-aq aktsiia kezindegi birlesken is-qimyl jospary bekitiledi.
Atyraý qalasynda «Bekire-2021»aktsiiasyn ótkizý jónindegi úilestirý shtabynyń otyrysy kezinde aktsiia sheńberindegi josparlar týraly tolyǵyraq aityldy.
Ekologiia ministrligi Balyq sharýashylyǵy komitetiniń tóraǵasy Nariman Júnisovtyń aitýynsha, shtabtyń jumys organy Jaiyq-Kaspii oblysaralyq basseindik balyq sharýashylyǵy inspektsiiasy bolyp belgilendi.
«Biylǵy jyly negizgi kúshter Kaspii teńiziniń jaǵalaýy men akvatoriiasynda jáne Atyraý oblysynyń shegindegi Jaiyq jáne Qiǵash ózenderiniń bastaýlarynda shoǵyrlanýy tiis, óitkeni dál sol jerlerde brakoner faktileri oryn alýy yqtimal. Balyqtyń zańsyz ainalymy faktilerin anyqtaý jáne jolyn kesý jónindegi jumysty kúsheitý mańyzdy. Ol úshin statsionarlyq jáne jyljymaly beketter, mobildi reid toptary uiymdastyrylady», - dedi komitet basshysy.
Sonymen qatar, aktsiiaǵa qatysýshylar Jaiyq ózenin ainalyp ótip, beketter men tonnalyq ýchaskelerdi tekserdi, sondai-aq Kaspii teńizi jaǵalaýynyń soltústik bóligin tikushaqpen ainalyp ushty.
Aita keteiik, ótken jyldardaǵy balyq qorǵaý aktsiiasynyń nátijesi kóktemgi balyq aýlaý maýsymynda brakonerlik toptardyń qyzmeti arta túskenin kórsetedi.
Eske sala ketsek, «Bekire-2020» aktsiiasynyń qorytyndysy boiynsha 759 buzýshy ákimshilik jaýapkershilikke tartylyp, 33 qylmystyq is qozǵaldy. Tártip buzýshylarǵa 13 mln teńgeden astam somaǵa ákimshilik aiyppul salyndy, zańsyz ainalymnan 13,9 tonna balyq alyndy, onyń ishinde 943,6 kg bekire tuqymdas balyq túrleri, 16,34 kg bekire tuqymdas balyq ýyldyryǵy, 439 aý, 20 qaiyq jáne 7 kólik bar.
