Foto: Priozersk garnizonynyń baspasóz qyzmeti
Qaraǵandy oblysyndaǵy «Saryshaǵan» poligonynda Áýe qorǵanysy kúshterin tsifrlandyrýdyń mańyzdy kezeńine ainalǵan «Jaýyngerlik dostastyq-2025» taktikalyq oqý-jattyǵýynyń belsendi fazasy ótti.
Alǵash ret avtomattandyrylǵan basqarý júiesi synaqtan ótkizilip, ol jaýyngerlik jaǵdaiǵa barynsha jaqyndatylǵan ortada óziniń tiimdiligin kórsetti.
Oqý-jattyǵý barysyn Qorǵanys ministriniń orynbasary – Áýe qorǵanysy kúshteriniń bas qolbasshysy general-maior Qairat Sadyqov jáne Qorǵanys ministriniń tsifrlandyrý jónindegi orynbasary Darhan Ahmediev baqylady.
Manevrlerge áýe shabýylyna qarsy qorǵanys bólimsheleri men shartty qarsylas rólin atqarǵan Áýe kúshteriniń maidandyq aviatsiia ekipajdary qatysty. Áýe nysandary anyqtalǵan sátte áýe shabýylyna qarsy qorǵanys eseptoptary jappai soqqylarǵa toitarys berý úshin habardar etý jáne soqqy berý quraldaryn qoldaný algoritmderin pysyqtady.
«Taktikalyq oqý-jattyǵý Áýe qorǵanysy kúshteriniń damýyna mańyzdy kezeń boldy. Biz alǵash ret avtomattandyrylǵan basqarý júiesin qoldandyq, nátijeleri kútkennen de asyp tústi. Tsifrlyq sheshimder aqparat almasý jyldamdyǵyn arttyryp, úilesimdilikti naqtylai tústi. Bul áskerdi basqarý júiesin jetildirýge yqpal etti», – dep atap ótti áýe shabýylyna qarsy qorǵanys áskeri mamany Ádil Súbebaev.
Oqý-jattyǵý tsifrlyq sheshimderdi jaýyngerlik tájiribege engizý bólimshelerdiń jaýyngerlik qabiletin arttyrýǵa jáne el áýe keńistiginiń qaýipsizdigin nyǵaitýǵa jańa múmkindikter ashatynyn rastady.
Priozersk garnizonynyń baspasóz hatshysy Dýman Jumashuly
