QR Premer-Ministri Asqar Mamin Qazaqstan Respýblikasy Prezidentiniń janyndaǵy «Jasyl ekonomikaǵa» kóshý jónindegi keńes otyrysyn ótkizdi, dep habarlaidy QR Úkimetiniń baspasóz qyzmeti.
Memleket basshysy Qasym-Jomart Toqaevtyń biylǵy 10 shildede Úkimettiń keńeitilgen otyrysynda berilgen stihiialyq qoqys oryndaryn joiý jáne jańalarynyń paida bolýyna jol bermeý týraly tapsyrmasyn iske asyrý barysy qaraldy.
QR ekologiia, geologiia jáne tabiǵi resýrstar ministri Maǵzum Myrzaǵaliev biylǵy 19 shildedegi jaǵdai boiynsha ǵaryshtyq monitoring arqyly 4763 ruqsat etilmegen qaldyq tastaý orny anyqtalǵanyn baiandady. 2021 jyldyń I jartyjyldyǵynyń qorytyndysy boiynsha elimizde 2932 qatty turmystyq qaldyqtar poligony (QTQ) bar, olardyń 509-y nemese 17,36%-y ekologiialyq jáne sanitarlyq normalarǵa sáikes keledi. El aýmaǵynda 191 qoqys shyǵaratyn uiym jumys isteidi, olardyń teńgeriminde 2 myńnan astam mamandandyrylǵan avtokólik bar.
Biylǵy 1 shildede kúshine engen jańa Ekologiialyq kodekste birqatar júieli shara kózdelgen, atap aitqanda, qoqys shyǵaratyn uiymdardyń qyzmetin retke keltirý jáne baqylaý maqsatynda habarlama jasaý tártibin engizý, sondai-aq qoqys shyǵaratyn kólikti spýtniktik navigatsiialyq júielermen (GPS) jaraqtandyrý.
Úkimet basshysy jergilikti atqarýshy organdarǵa ekologiialyq jáne sanitarlyq normalarǵa sáikes kelmeitin QTQ poligondaryn rekýltivatsiialaýdy nemese olardy belgilengen talaptarǵa sáikes keltirýdi, sondai-aq qurylys qaldyqtaryn qaita óńdeý jáne kómý infraqurylymyn qurýdy tapsyrdy.
Jergilikti atqarýshy organdarǵa ǵaryshtyq monitoringpen anyqtalǵan barlyq ruqsat etilmegen qoqys oryndaryn joiý, IIM, EGTRM, AQDM jáne jurtshylyqpen birlesip, tártip buzýshylardy jaýapkershilikke tarta otyryp, stihiialyq qoqys tastaityn jerlerdi anyqtaý boiynsha reidter júrgizý tapsyryldy. Premer-Ministr josyqsyz qoqys úiindilerin tastaityn jerlerdi anyqtaý jáne joiý boiynsha iKomek (Nur-Sultan q.) mysalynda óńirlerde koll-ortalyqtar ashý qajettigin atap ótti.
A. Mamin nysandar qurylysyna ruqsat berý kezinde qurylys qaldyqtaryn kádege jaratýdy qarastyrýdy, qurylys qaldyqtaryn QTQ poligondaryn tyǵyzdaý men rekýltivatsiialaýda, sondai-aq negizgi paidaly qazbalardy óndirýdiń tarihi oryndaryn rekýltivatsiialaýda qoldanýdy qaraýdy tapsyrdy.
Úkimet basshysy qurylys qaldyqtaryn jinaý jáne qaita óńdeý boiynsha memlekettik-jekeshelik áriptestik sheńberinde infraqurylym qurýdyń mańyzdylyǵyn atap ótti, bul asa iri jáne qurylys qoqystaryn shyǵarý úshin jaǵdai jasaidy.
