Jastarymyzdyń damýyna memleket tarapynan barlyq múmkindikter men jaǵdailar jasalyp jatyr. Bul týraly «Biz - el patriotymyz» halyqaralyq jastar forýmynda QR Aqparat jáne qoǵamdyq damý ministriniń mindetin atqarýshy Serik Egizbaev aitty, dep habarlaidy QazAqparat.
«Babalarymyz erteden ańsaǵan táýelsizdigimizge qol jetkizip, Uly dala tórine álem moiyndaǵan memleket qurǵanymyzǵa biyl 30 jyl tolyp otyr. Bul aralyqta elimiz turaqty damý jolyna túsip, tarihta buryn-sońdy bolmaǵan zor jetistikterge qol jetkizdi. Álemdegi básekege qabiletti 50 eldiń qataryna endi. QR Tuńǵysh Prezidenti – Elbasy Nursultan Nazarbaev: «Memlekettik rámizder – bul bizdiń memleketimizdiń, bizdiń egemendigimizdiń berik negiziniń biri. Olar táýelsizdiktiń qasietti biriktirýshi obrazyn bildiredi» degen bolatyn», - dedi ol.
Onyń atap ótýinshe, ár adamnyń sanasyndaǵy asa mazmundy jáne qurmetti mártebege ie ustanym – ol otansúigishtik sezim.
«Ejelden ata-balalarymyz óz atamekenin, Otanyn, tili men mádenietin, salt-dástúri men memlekettik rámizderin júrekpen súie bilgen, qorǵaǵan ári keleshek urpaǵyna da sol otansúigishtik tárbieni bergen. Jastar – sizder bolashaqtyń máńgilik qozǵaýshysy, úlken kúshsizder. Oǵan dálel el namysyn bairaqty básekeler men dúbirli dodalarda qorǵap, kún astynda qyrany qalyqtaǵan kók týymyzdy biikten jebiretip júrgen jas jerlesterimizdiń jetistikteri. Qazaqstan halqynyń ár besinshi azamaty 14-ten 29 jas aralyǵyndaǵy el jastary sanalady. Memleket basshysy Qasym-Jomart Toqaev: «Qazaqstanyń bolashaǵy sanaly ári talapty urpaqtyń qolynda» degen bolatyn. Jastarymyzdyń damýyna memleket tarapynan barlyq múmkindikter men jaǵdailar jasalyp jatyr. Olardyń ál-aýqatyn jaqsartý men bolashaq senim arttyrý el Prezidenti júrgizip jatqan jastar saiasatynyń basty baǵyty», - dedi Serik Egizbaev.
