Foto: QR AQDM
Jastarmen jumys jónindegi mamandarǵa arnalǵan kásibi standarttar qabyldandy, dep habarlaidy "Ult aqparat" AQDM baspasóz qyzmetine silteme jasap.
Bul týraly Aqparat jáne qoǵamdyq damý ministri Darhan Qydyráli Zerendide ótken respýblikalyq jastar akademiiasynda aitty. Ministrdiń sózinshe, bul jumysty júieleýge jáne jastar resýrstyq ortalyqtary qyzmetkerlerin irikteýdiń naqty ólshemderin anyqtaýǵa múmkindik beredi.
Aqmola oblysynyń Zerendi aýdanynda Aqparat jáne qoǵamdyq damý ministriniń uiymdastyrýymen “Ádiletti Qazaqstan - adal azamat” jastar akademiiasy ótip jatyr.
Atalǵan is-sharaǵa Qazaqstannyń barlyq óńirinen kelgen 100-den astam jas úsh kún ishinde túrli treningterge qatysyp, ózara tájiribe almasty. Bul týraly Darhan Qydyráli óziniń paraqshasynda jazdy.
Is-shara aiasynda ótken “Ádiletti Qazaqstan - adal azamat” atty jiynda Memlekettik qyzmet isteri agenttiginiń tóraǵasy Darhan Jazyqbaev, Aqmola oblysy ákiminiń birinshi orynbasary Eldos Ramazanov, Amanat partiiasynyń atqarýshy hatshysy Dáýlet Káribek te sóz sóilep, jastarǵa paidaly aqparattar berdi.
“Ózderińizge belgili, Memleket basshysy Túrkistandaǵy Ulttyq quryldaida jastarymyz týǵan jerdiń eshkimge uqsamaityn ereksheligi men biregei bolmysyn jer júzine tanytyp júrgenin erekshe atap ótkeni belgili. Sonymen qatar «Jas urpaq tarih taǵylymyn jáne eldiń jarqyn bolashaqqa umtylysyn bir arnaǵa toǵystyryp jatyr. Osy serpilistiń qarqynyn saqtai otyryp, ony kúsheite túsý – memlekettiń mindeti» degen edi”, - dep jazdy ministr.
Biyl «Memlekettik jastar saiasaty týraly» zań óz kúshine endi. Jastar sanaty 35 jasqa deiin ulǵaidy. Qazir olardyń sany 6 mln-ǵa ósti. Zańdy iske asyrý úshin, 7 baǵyt jáne 80 is-sharalar keshenine qol jetkizýdi kózdeitin 2029 jylǵa deiin arnalǵan Memlekettik jastar saiasatynyń tujyrymdamasy qabyldandy.
