Biylǵy Jastar jylynda atqarylǵan igilikti isterdiń nátijesi kórine bastady. Bul týraly óńirlik kommýnikatsiia qyzmeti alańynda «Qazaqstan Respýblikasy Prezidentiniń janyndaǵy Jastar kadr rezervi» taqyrybynda ótken brifingte QR Memlekettik qyzmet isteri agenttigi oblys boiynsha departamentiniń basshysy Serikbai Nurǵisaev aityp berdi.
Óz sózin Prezident Joldaýyndaǵy tyń jańalyqtar men ózgeristerge ákeler sátti qadamdardan bastaǵan departament basshysy aldaǵy ýaqytta memlekettiń damýy úshin belsene eńbek etetin jas kadrlardy tańdaý úshin qolǵa alynǵan jobanyń qundylyǵyn tilge tiek etti.
– Bárimizge belgili, Elbasy biylǵy jyldy «Jastar jyly» dep jariialady. Osy rette jastardyń jalyndy bastamasyn qoldaǵan kóptegen jaqsy ister atqaryldy. Sol jetistiktiń jelisi retinde, mine, búginde QR Prezidenttik jastar kadr rezervin qurý qolǵa alyndy. Bul Prezidenttiń jýyrdaǵy halyqqa Joldaýynda da aityldy. Bul oraidaǵy maqsat – qyzmettik ósýge yntaly, kásibi daǵdylary men basqarý biliktiligine ie, ózin-ózi kásibi damytýǵa, saraptamalyq aqyl-keńesin aiqyn kórsete alatyn kóshbasshy jastardy tańdap shyǵý, – dedi ol.
Qazirgi tańda Memlekettik qyzmet isteri agenttiginiń resmi saitynda avtomattandyrylǵan onlain-platforma iske qosylyp, qujattardy qabyldaý isi bastalyp ketti. Onlain-platformany qoldaný jeńil ári óte yńǵaily. Úmitker saittyń basty betinen Prezidenttiń jastar kadr rezervin irikteýge qatysty aqparatty infografika arqyly bile alady. Oǵan 35 jasqa deiingi joǵary bilimi bar, 5 jyldyq qyzmet ótili bar Qazaqstan Respýblikasynyń azamattary qatysýǵa quqyly. Jalpy rezervke tańdaý jumysy 3 kezeńnen turady. Búginge deiin 2 myńǵa jýyq jas ótinish tapsyryp, onyń júzge jýyǵy birinshi týrdan ótti. Aita keterligi, 5 jyldyq qyzmet ótili tek memlekettik qyzmetke qatysty emes, aýyl, aýdan, oblysta jumys istedi degen bólip-jarý da joq, qoǵamnyń san salasyndaǵy tájiribeli jastar baǵyn synap kórýge bolady. Tipti, shetelderde jumys isteitin Qazaqstan azamattaryna da qatysýǵa bolady. Ótinim tapsyrý qiyn emes. Jastar irikteýge qatysý úshin jeke basyn kýálandyratyn, bilimi, eńbek ótili týraly qujattardyń kóshirmesin tapsyrsa bolǵany. Qujattarǵa usynym hat qosa beriledi. Ony jumys isteitin mekemeden alýǵa bolady.
Taǵy da aita keterligi, jastar kadr rezervine joldanǵan ótinim ashyq ári jalpylyq sipat alady. Ótinimderdi QR Prezidentiniń janynan qurylǵan Ulttyq komissiia saraptaidy. Bul komissiianyń tóraǵalyǵyna Prezident Ákimshiliginiń basshysy Qyrymbek Kósherbaev taǵaiyndalǵan. Ótinim tapsyrǵandar men saraptaýdan ótkenderdiń aty-jóni saitta ashyq kórsetilip turady. Joǵaryda aitylǵan úsh kezeńnen ótken jastar kadrlyq rezervke alynady. Onyń ýaqyt shegi – 5 jyl. Olar osy jyldar aralyǵynda salalyq laýazymdar men jaýapty qyzmetterge taǵaiyndala alady.
Serikbai Órikbaiulynyń baiandamasynan keiin jýrnalister kókeide júrgen suraqtaryn qoiyp, naqty jaýap aldy.
Q. OMARAQYNULY
