Osydan biraz ýaqyt buryn Elbasy óz Joldaýynda osy jyldy "Jastar jyly" dep jariialaý týraly aitqanda kúle qarap, kúmándanǵan jandar jarlyqqa qol qoiylǵan kúni múltiktsiz sengenderi anyq. Al kúni keshe ǵana Elbasynyń qatysýymen «NUR ÁLEM» pavilionynda ótken jastar jylynyń saltanatty ashylý rásimi barlyq jastardyń boiyna aiyryqsha jiger kúshpen senim silaǵany aqiqat. Óz basym osy kúnge deiin ár jyldary Qazaqstandaǵy Ózbekstan jyly, Assambleia jyly jariialanyp, elimizde aýqymdy sharýalar atqarylǵanyna kýá bolyp júrdim. Olai bolsa osy jolǵy JASTAR JYLY JAŃA MÚMKINDIKTER jyly dep, aitýymyzǵa tolyq negiz bar dep oilaimyn. Sebebi jastar jylyndaǵy zor múmkindikterdi paidalana otyryp, ár saladaǵy úzdik jastarymyz tyń ideialardan bastaý alǵan jańa jetistikterge umtylary zańdylyq.
Semei qalasy boiynsha tirkelgen 85 000 jastyń keminde 50 paiyzynan astamy Jastar jylynyń sharapatyn sezinip, ózderiniń igiligine ainalǵan áleýmettik liftini paidalana alsa degen úmitimiz bar. Biz Jastar jylynda Semei qalasy boiynsha alýlatqan, jalaýlatqan naýqandyq aktsiialardy meilinshe azaityp, tiisinshe jastardyń áleýmettik máseleleriniń oń sheshimin tabýy úshin jumys jasaǵymyz keledi. Menińshe, kez-kelgen problemalyq máseleni sheshý úshin, ol máseleni naqty problema týdyratyn másele dep moiyndaýymyz kerek. Ókinishke orai, bes saýsaq birdei emes degendei 85 000 jastyń ishinde: uiymdaspaǵan jastar, tártibiniń nasharlyǵynan quqyq qorǵaý oryndarynda tirkeýde turǵan jastar, eki birdei diplom iesi bola tura, eki qolǵa bir kúrek tappai júrgen jumyssyz jastar da bar moiyndaimyz. Bizdiń mindet: osy osal jastardy qoǵamǵa qaita tartý maqsatyndaǵy minsiz qyzmet. Mysaly, «Jastar tájirbiesi», «Diplommen aýylǵa», «Biznestiń jol kartasy 2020», «7-20-25» memlekettik baǵdarlamalardy jastar arsynda keńinen nasihattap, Elbasymyz usynǵan «Jas sarbaz» eriktiler jobasy aiasynda jastar arasyndaǵy eriktiler men áskeri-patriottyq qozǵalysyn damytyp, quqyq buzýshylyq deńgeiin tómendetýge tyrysamyz.
«Jas kelse iske» deidi dana halqymyz. Endeshe, babalar sózin rastaý jolynda bizder balalary Egemen eldiń erteńi bolyp tabylatyn jastardyń jarqyn bolashaǵy úshin jumyla jumys jasaýǵa shaqyramyn!
Oljas SOǴYMBAI,
Semei qalasynyń jastar
resýrstyq ortalyǵynyń direktory
