Er adam aýrýhanaǵa jetkizildi, «Densaýlyqqa qasaqana aýyr ziian keltirý» qylmystyq baby boiynsha sot aldyndaǵy tergeý amaldary bastaldy, dep habarlaidy "Ult aqparat".
«Páter ishinde ákesi men kámelettik jasqa tolmaǵan 2007 jylǵy bala arasynda janjal shyqty. Ákesi balasyna únemi telefonmen oiyn oinaitynyn, eshbir ispen ainalyspaitynyn aityp, úidegi jóndeý jumystaryna kómektespeitini úshin eskertý jasaǵan. Er adam balasynan telefondy tartyp alyp, úidiń aýlasyna shyǵyp ketken. Ákesine yzalanǵan jasóspirim as ishetin bólmeden pyshaq alyp, ony ákesiniń arqasyna suqqan», - dep málimdedi Pavlodar oblystyq Politsiia departamenti bastyǵynyń birinshi orynbasary Jasqairat Qaiyrov.
Qaiyrovtyń aitýynsha, pyshaq jaraqatyn alǵan er adam Pavlodar qalalyq aýrýhanasyna jetkizildi.
Atalǵan fakti boiynsha QR Qylmystyq kodeksiniń 106-babynyń 1-bólimimen («Densaýlyqqa qasaqana aýyr ziian keltirý») sot aldyndaǵy tergeý amaldary ótkizilýde.
