Atyraý oblysy Din isteri basqarmasynyń qoldaýymen «Shapaǵat» destrýktivtik dini aǵymdardan japa shekkenderge kómek ortalyǵy Qoǵamdyq qory Táýelsizdiktiń 25 jyldyǵyna orai «Jasai ber, qazaq eli!» atty dini ekstremizm men radikalizm ideialarynyń aldyn alýǵa, teris dini aǵymdardyń kózqarastaryn teristeýge baǵyttalǵan respýblikalyq deńgeidegi «Jyraýlar baiqaýyn» uiymdastyrady.
Baiqaýdyń maqsaty: El tarihyndaǵy din men dástúrdiń ushtasqan ozyq úlgisin kórsetý, ulttyq qundylyqtarymyzdy óskeleń urpaqqa jetkizý, qoǵamda dini esktremizm men radikalizm ideialarynyń taralýynyń aldyn alý, dástúrli emes teris dini aǵymdardyń jat piǵylyn áshkereleý.
Baiqaýǵa qatysýshylar úshin usynylatyn taqyryptar:
1. Din men dástúr sabaqtastyǵy;
2. Otandy súiý imannan;
3. Ulttyq tárbie – rýhani azyq;
4. Dinaralyq tatýlyq – táýelsizdiktiń tiregi;
5. Qazaq handyǵy dáýirindegi musylmanshylyq;
6. Teris dini aǵymdar – el dushpany;
7. Dindarlyq pen dúmshelik;
8. Bóten eldiń soǵysyna esi aýǵan qatysady;
9. Men – Qazaqpyn, musylmanmyn álimsaqtan;
10. Birlik bolmai, tirlik bolmas.
Talaptar:
1) Baiqaýǵa qatysýshylardyń jas mólsherine shekteý qoiylmaidy;
2) Shyǵarma mazmuny taqyrypqa jáne baiqaýdyń maqsatyna sai bolýy kerek;
3) Baiqaýda shyǵarmanyń, jyraýlyq mektepterdiń oryndaýshylyq ónerdegi sheberligi eskeriledi;
4) Baiqaýǵa taqyryp talaptaryna sai jyraýlardyń shyǵarmalaryn oryndaýy tiis;
5) Taqyrypqa sai óz shyǵarmalaryn oryndaýǵa bolady;
6)Úmitker týyndysyn mindetti túrde ózi oryndap, aýdio nemese beinetaspaǵa túsirip, 2016 jyldyń 15-qazanyna deiin shapagat.baikau@mail.ru elektrondy poshtasyna jiberýi nemese Atyraý qalasy Sátbaev kóshesi 40a (Ónerpaz) 409 keńsege ákelip berýi, sonymen qatar tólqujattyń kóshirmesin, shyǵarmashylyq ómirbaianyn, tolyq meken-jaiyn, bailanys telefon nómirlerin berýi qajet.
Eskertý:
- qazylardyń saraptamasynan ótken úmitkerler ǵana aqtyq synǵa shaqyrylady.
- Baiqaýǵa kelip túsken barlyq materialdar maturidi.kz saitynda jariialanady.
Júldeler:
Bas júlde 1 000 000 (million) teńge
I oryn 500 000 (bes júz myń) teńge
II oryn (ekeý) 300 000 (úsh júz myń) teńgeden
III oryn (úsheý) 150 000 (júz elý myń) teńgeden
Yntalandyrý (úsheý) 100 000 (júz myń) teńgeden
Bailanys telefondary:
8 (7122) 20 31 83;
8 778 11 22 678.
