Premer-Ministrdiń orynbasary Gúlshara Ábdiqalyqova jetekshilik etken úkimettik jumys toby Almaty oblysyna bardy, dep habarlaidy "Ult aqparat".
Densaýlyq saqtaý ministrliginiń Feisbýktegi resmi paraqshasynda vedomstvo basshysy Eljan Birtanov jergilikti dárigerlermen kezdeskeni jazyldy. Ministr aldaǵy úsh jylda shalǵaidaǵy aýrýhanalar zamanaýi meditsinalyq tehnikamen jabdyqtalyp, jas mamandar jappai óńirlerge baratynyn atap ótti.
«Densaýlyq salasyndaǵy kadr tapshylyǵyna, meditsina qyzmetkerleriniń jalaqysynyń tómendigine jáne sapaly alǵashqy meditsinalyq kómekke basa nazar aýdaryp otyrmyz. Bul máselelerdi jergilikti ákimshilikpen birlesip sheshýdemiz. Kadr tapshylyǵyn joiý maqsatynda jas mamandar diplom alǵan soń úsh jyl aýyldarǵa baryp jumys isteýge tiis bolady. Sonymen qatar, aýyldardaǵy meditsinalyq mekemelerdi úsh jylda jańa meditsinalyq tehnikamen tolyq jabdyqtap, eki jylda jedel járdem kóligimen qamtamasyz etemiz», - dedi E.Birtanov.
Aita keteiik, Úkimet músheleriniń oblysqa saparynyń maqsaty - Elbasynyń «Áleýmettik qamqorlyq» jańa áleýmettik sharalarynyń negizgi baǵyttaryn túsindirý. Buǵan deiin jumys toby elimizdiń birneshe óńirinde boldy.
