Biylǵy jyldyń alǵashqy alty aiynda Qazaqstan aýmaǵyna 7000-ǵa jýyq qandas kóship kelgen, dep habarlaidy "Ult aqparat".
QR Eńbek jáne halyqty áleýmettik qorǵaý ministrliginiń deregine súiensek, jarty jyldyń ishinde shetelden elimizge 6796 adamnan turatyn 4244 otbasy kóship kelgen. Kósh basynda Ózbekstan qazaqtary tur. Atalmysh elden 6 aida 2355 otbasy, iaǵni, 3800 adam qonys aýdarǵan. Qytaidan 1553 múshesi bar 1005 otbasy tarihi otandaryna oralǵan. Belsendi elderdiń úshtigin Túrikmenstan túiindep tur. Bul elden 532 adamnan turatyn 282 januia kósh baǵytyn Qazaqstanǵa burǵan.
Sondai-aq, Mońǵoliiadan 402 qazaq, Reseiden 145 qazaq, Irannan 62 qazaq, Qyrǵyz Respýblikasynan 46 qazaq, Tájikstannan 11 qazaq, Túrkiiadan 3 qazaq, ózge de shet memleketterden 239 qazaq Qazaqstanǵa kóship kelgen.
