Foto:gov.kz
Qorǵanys ministri Rýslan Jaqsylyqov Jetisý oblysynda qaitys bolǵan sarbazdyń ólimine qatysty pikir bildirdi, - dep habarlaidy Massaget.kz portaly.
Qaiǵyly oqiǵa Jarkentte bolǵan. BAQ málimetinshe, Ámir Baiturǵanov atty sarbaz áskerde meningit aýrýynan kóz jumǵan. Ol byltyr kúzde áskerge shaqyrylǵan.
"Sarbazdyń otbasyna kóńil aitamyn. Ol meningit aýrýynan kóz jumdy... Ókinishke qarai, mindetti túrde tapsyratyn meditsinalyq analizderdiń tiziminde meningitke tekserilý joq. Qazir ony tizimge qosý boiynsha jumys istep jatyrmyz. Osy jaǵdaidan keiin tiisti sheshim qabyldadym, tiisti qarjy bólindi. Sarbazdar áskeri bólimge kelgennen keiin olardy 100 paiyz meningokokqa tekseremiz. Eger aýrý anyqtalsa, olar 5-7 kún boiy dári iship emdeledi..." - dedi Rýslan Jaqsylyqov Parlamenttiń birlesken otyrysynan soń.
Ministr marqumnyń ata-anasy dárigerler qoiǵan diagnozben kelispei otyrǵanyn jetkizdi.
"Men de ákemin. Olardy túsinemin. Mundai jaǵdaidyń bolǵany bárimizge aýyr tidi. Qazaqta "ajaly keldi" degen sóz bar. Saraptama (dárigerler qoiǵan diagnozdy - esk.) rastady", - dedi vedomstvo basshysy.
