3 sáýirden bastap oblys halqyna koronavirýsqa qarsy ekpe salyna bastady. Oblystaǵy 22 egý pýnkti demalyssyz jumys isteidi, dep habarlaidy "Ult aqparat" oblystyq densaýlyq saqtaý basqarmasynyń baspasóz qyzmetine silteme jasap.
Bul týraly Atyraý oblysynyń kommýnikatsiialar qyzmetinde ótken brifingte densaýlyq saqtaý basqarmasynyń basshysy Ashan Baidýáliev málim etti.
Spikerdiń aitýynsha, 3 sáýirden bastap Atyraý oblystyq sanitariialyq-epidemiologiialyq baqylaý departamentiniń 2021 jylǵy 2 sáýirdegi № 24-27-03/346 hatyna sáikes «Spýtnik V» vaktsinasy halyqty jappai vaktsinalaý úshin paidalanylady.
Qala, aýdan turǵyndary, kásiporyndarda vahtalyq ádispen jumys isteitin jáne basqa da sanattaǵy adamdar kiredi.
- Barlyq egý pýnkteri demalyssyz jumys isteitin bolady. Vaktsinany tirkelgen jeri boiynsha emhanadan 18 jastan asqan adamdar ala alady, - dep túsindirdi Ashan Baidýáliev.
Esterińizge sala keteiik, biylǵy jyldyń 2 sáýirinde aimaqqa 3 600 doza vaktsina keldi, olar oblystyń 22 egý pýnktine taratyldy.
1 aqpan men 2 sáýir aralyǵynda Atyraý oblysyna 3 600 doza vaktsina jetkizilip, 3 598 adam egildi.
Onyń ishinde 42 memlekettik qyzmetshi, 1611 meditsina qyzmetkeri, 1413 pedagog, 486 politsiia qyzmetkeri, 46 ózge adamdar vaktsinatsiialandy.
