Foto: Reuters/Kyodo
Japoniianyń Isikava prefektýrasynda bolǵan jer silkinisinen 62 adam qaitys boldy, dep habarlaidy Sputnik Qazaqstan Kyodo agenttigine silteme jasap.
"Noto túbegindegi jer silkinisi saldarynan qaitys bolǵandar sany 62-ge jetti", - delingen habarlamada.
Eń kóp qurban bolǵandar Vadjima men Sýzý qalalarynda tirkeldi. Sondai-aq úiindi astynda da zardap shekkender bolýy múmkin. Usaq dúmpýler bolyp jatsa da, qutqarý jumystary jalǵasyp jatyr.
Jalpy zilzaladan júzden astam adam zardap shekti.
Japoniianyń batysynda jańa jyldyń birinshi kúninde birqatar kúshti jer silkinisi boldy, eń kúshti magnitýda 7,6-ǵa jetti. Olarǵa "Noto túbegindegi jer silkinisi" degen ataý berildi. Jer dúmpýi Osaka, Kioto jáne Tokioda da qatty sezildi.
Japoniianyń negizgi meteorologiialyq agenttiginiń málimetinshe, bul jolǵy zilzala 1885 jyldan beri osy aimaqtaǵy eń kúshti jer dúmpýi boldy
