IýNESKO dúniejúzilik muralar nysanynyń tizimine engen Japoniiadaǵy Siýri qorǵanynyń bas ǵimaraty tolyqtai órtenip ketti, dep habarlaidy Kyodo agenttigi.
Politsiianyń deregi boiynsha, sársenbiden beisenbige qaraǵan kúni órt jergilikti ýaqytpen 2:40-da Okinava ońtústik prefektýrasy Naha qalasynda ornalasqan qorǵan ǵimaratyn sharpyǵan, dep habarlaidy Kyodo.
Jergilikti órt sóndirý basqarmasynyń málimetinshe, ondaǵan órt sóndirý mashinasy oqiǵa ornyna jiberilgen. Zardap shekkender men qurbandar týraly aqparat ázirge túsken joq.
Politsiia órttiń shyǵý sebebin anyqtap jatyr.
Siýri ejelgi qorǵany Japoniianyń ońtústik-batysynda týrister jii baratyn oryndardyń biri. Ol Riýkiýsk memleketi kezinde monarhtardyń rezidentsiiasy bolǵan.
1945 jyly AQSh kúshterimen Okinava úshin shaiqas saldarynan qiraǵan úiindi astynda qalsa da, 1992 jyly qaita qalpyna keltirilip, ulttyq saiabaq retinde ashyldy.
Qorǵan 2000 jyly IýNESKO dúniejúzilik muralar nysany bolyp tanyldy.
