Dúisenbi Japoniianyń jaǵalaýdaǵy aýdandarynda soltústikten batysqa qarai qalyń qar jaýǵan, dep habarlaidy QazAqparat HAA Kyodo agenttigine silteme jasap.
Kóptegen avtokólik kepteliste turyp qalyp, áýe jáne temirjol qozǵalysy buzylǵan. Japoniianyń batysyndaǵy birneshe qalada qatty qysqy qysym saldarynan jaýǵan qardyń mólsheri rekordtyq kórsetkishke jetken.
Siga prefektýrasynda Hikonede 68 sm qar tússe, Hiogo prefektýrasynda Asagoda 24 saǵat ishinde 71 sm bolǵan, dep habarlady Japoniia meteorologiialyq agenttigi.
Agenttik qalyń qardyń, sondai-aq joldaǵy kóktaiǵaq pen joǵary tolqyndardyń seisenbige deiin jalǵasýy múmkin ekenin, sonymen qatar keibir jerlerde qubylmaly atmosferalyq jaǵdailarǵa bailanysty naizaǵai soǵyp, qatty jel soǵatynyn eskertti.
Basqa jerde eń tereń qar Aomoride, soltústik-shyǵys Aomori prefektýrasynda 190 santimetr biiktikte tirkeldi, sondai-aq Kioto, Nagoia jáne Hirosima qalalaryna da qar túsken.
Qar saldarynan basqa da iri kólik jelileri jartylai jabylǵan. Solardyń ishinde Nagoia men Kobe metrosy aýdandaryn bailanystyratyn Meishin avtomagistrali bar.
Sondai-aq, Japoniia teńizi jaǵalaýy men Hokkaido soltústik aralyna reister toqtatyldy. Temirjol kompaniiasy dúisenbi kúni 52 eksprestiń qozǵalysyna shekteý qoidy.
