22 qarasha kúni, jergilikti ýaqytpen saǵat 05:59-da (Astana ýaqyty boiynsha 02:59) Japoniianyń Fýkýsima shyǵys perfektýrasynyń mańynda (Honsiý araly) 2011 jyldan bergi eń kúshti jer silkinisi boldy. Japonnyń NHK telearnasynyń málimetinshe, onyń magnitýdasy 7.3-7.4 boldy.
Kóz jumǵandar men zardap shekkender jáne kelgen shyǵyn týraly áli aqparat joq.
Jaǵalaý mańyndaǵy birqatar eldi mekenderde tsýnami qaýpi jariialanyp, adamdardyń biik ornalasqan jerlerge kóshý kerektigi aityldy. Tolqyn biiktigi úsh metrge deiin barady dep boljanǵan. Degenmen, jer silkinisinen keiin kei jerlerde tolqyn 1,4 metrge deiin, al Fýkýsima atom stantsiiasy mańynda bir metrge deiin ǵana kóterildi.
Japoniialyq meteorologiialyq agenttiktiń ókili Kodzi Nakamýra jer silkinisiniń oshaǵyn kórsetip tur. © Reuters
Eldiń soltústik-shyǵysynda "sinkansen" jedel poiyzdary ýaqytsha toqtatyldy. Ondaǵan áýe reisteri shegerildi.
Kýágerler seismikalyq tolqynnan sý deńgeii kóterilgen ózen aǵysy aýysyp, keri aqqanyn telefonnyń kamerasyna túsirip alǵan.
Sonymen qatar, Jelige temirjol vokzaldarynyń dirildep turǵany túsirilgen videolar da ornalastyrylǵan.
Miiagi perfektýrasyndaǵy "Sendai" beketinde poiyzdyń júrmeitini týraly habarlanǵannan keiin © AP
Fýkýsima perfektýrasyndaǵy evakýatsiia © AP
