Japoniiada 47 prefektýranyń 39-ynda koronavirýstyń taralý qarqyny báseńdedi. Osyǵan bailanysty beisenbi kúni el úkimeti osy aimaqtarda tótenshe jaǵdai rejimin alyp tastaý týraly máseleni qarastyrdy. Tokio men Osakada tótenshe jaǵdai rejimi jalǵasa beredi, dep habarlaidy Kyodo agenttigi.
Agenttiktiń habarlaýynsha, koronavirýs juqtyrý jaǵdailarynyń jalpy sany 39 prefektýrada azaiǵan.
Tótenshe jaǵdai rejimi Hokkaidoda, Tokionyń elordalyq aýmaǵyna kiretin Chiba, Kanagava jáne Saitama, sondai-aq Kioto, Osaka jáne Hiogoda jalǵasady dep kútilýde.
Saǵat 18:00-de Premer-ministr Sindzo Abeniń qatysýymen baspasóz máslihaty ótedi. El úkimeti jaqyn qarym-qatynastardan aýlaq bolýǵa, adam jinalatyn jabyq oryndardan, óńirler arasynda saiahattaýdan bas tartýǵa shaqyrýda.
Sáýir aiynyń sońynan mamyr aiynyń basyna deiin ótetin Altyn aptanyń merekesi kezinde COVID-19 juqtyrýdyń jańa jaǵdailarynyń paida bolýy múmkin. Osyǵan alańdaýshylyq bildirgen úkimet azamattarǵa qarym-qatynasty shekteýge jáne prefektýradan tys jerlerden bas tartýdy usyndy.
Bastapqyda, Premer-ministr Sindzo Abe Tokioda, Osakada jáne basqa da bes prefektýrada 6 mamyrǵa deiingi kezeńde osy aýdandarda juqtyrý jaǵdailary sanynyń kúrt ósýine bailanysty tótenshe jaǵdai engizilgeni týraly jariialaǵan bolatyn.
16 sáýirde tótenshe jaǵdai rejimi eldiń barlyq 47 prefektýrasyna engizildi. Buǵan deiin habarlaǵandai TJ rejimi 31 mamyrǵa deiin uzartyldy.
Búginde elde koronavirýs juqtyrýdyń rastalǵan jaǵdailarynyń sany 16 700-den asty. Onyń ishinde 700-i – aqpan aiynda karantinge jiberilgen Diamond Princess krýiz laineriniń jolaýshysy. Elde virýstan 690 adam kóz jumǵan.
