Japon kásipkeri Iýsaký Maedzava sársenbi kúni «ózderin ártis dep esepteitin» qoǵamnyń 8 ókilin 2023 jyly Ai orbitasyna alyp ketetinin málimdedi. Bul - SpaceX firmasy uiymdastyrǵan álemdegi alǵashqy jeke ǵarysh saiahaty, dep habarlaidy KYODO NEWS agenttigi.
Zozo Inc. sándi kiimder internet-dúkeniniń negizin qalaǵan Maedzava 10-12 adamnan quralǵan topqa múshe bolý úshin ótinish tastap jatqandar ǵarysh saiahaty kez kelgen shyǵarmashylyqtyń shekarasyn keńeitip, nátijesinde «basqa adamdar jáne jalpy qoǵam» kómegin sezinýi kerek dedi.
Ol YouTube arnasyna aǵylshyn jáne japon tilderinde eki video jariialap, dearMoon jobasy komandasynyń áleýetti músheleri komandanyń basqa ókilderin qoldaýǵa «daiyn jáne qabiletti» bolýy kerek ekenin aitty.
Aiǵa barý, onyń ainalasynda júrý jáne qaitý jalpy alty kúnge sozylady, Maedzava ekspeditsiia aqysyn jeke saiahat retinde ózi tóleidi. Ótinishter 14 naýryzǵa deiin qabyldanady.
