Shahmatshy Jansaia Ábdimálik 17-24 tamyz aralyǵynda Venada ótken halyqaralyq týrnirde jeńimpaz atandy, dep habarlaidy "Ult aqparat".
«Keshe halyqaralyq «Vienna Open» týrniri aiaqtaldy. «A» týrnirine 398 shahmatshy qatysty. Men áielder arasyndaǵy saiysta birinshi orynǵa ie boldym. Men jinaǵan upai sany 2 men 11-ni oryn arasynda erler jinaǵan upaimen teń boldy», - dep jazdy sportshy Instagram paraqshasynda.
Sonymen qatar, otandasymyz qyzdar arasyndaǵy úzdik nátijesi úshin aty ańyzǵa ainalǵan Nana Aleksandriianyń qolynan arnaiy syilyq aldy.
«Qoldaý bildirgen barlyq jankúierge myń alǵys», - dedi Jansaia Ábdimálik.
Eske sala ketsek, Qytaidyń Henshýe qalasynda shahmatttan ótken IMSA World Masters chempionatynda otandasymyz eks-chempion Aleksandra Kosteniýkti «altynsyz» qaldyrǵan bolatyn.
