Nur-Sultan qalasynyń bas memlekettik sanitar dárigeriniń orynbasary Janna Pralieva 30 kúndik oraza saý adamnyń koronavirýsqa qarsy vaktsina alýyna kedergi emes ekenin eskertti, dep habarlaidy QazAqparat.
«Buryn habarlaǵandai koronavirýstyq infektsiiaǵa qarsy vaktsinatsiia orazany buzbaidy. Óitkeni dárilik zat as qorytý júiesine aýyz nemese muryn arqyly ense ǵana oraza buzylady. Inektsiialar men koronavirýstyq vaktsinany engizý jaǵdaiynda mundai eshteńe bolmaidy. Osyǵan bailanysty qasietti Ramazan aiynda oraza ustaǵan elordanyń árbir turǵynynda koronavirýsqa qarsy vaktsina alýǵa jáne ózin aýrýdan qorǵaýǵa múmkindik bar. Qazir barlyq emhanalarda birneshe egý kabinetteri jumys istep jatqanyn bilesizder. Sondai-aq, elordanyń barsha turǵyndary qaladaǵy jáne jalpy eldegi koronaivrýstyq infektsiia boiynsha búgingi jaǵdaidyń aýyrlyǵyn seziný kerek», - dedi maman onlain brifing barysynda.
Janna Pralieva oraza ustap júrgen adamdy infektsiiadan qorǵaýdyń birden-bir jol karantin talaptaryn saqtaý ekenin eske saldy.
«Qazir tek Nur-Sultan qalasynda ǵana emes, búkil dúniejúzinde infektsiia qaitadan órship tur. Árbir turǵyn oraza ustaityn týystaryna qamqorlyq jasap, qoronavirýstyq infektsiiadan qorǵaýy kerek. Ol úshin maska taǵý, ara qashyqtyqty saqtaý, kópshilik sharalardy uiymdastyrmaý jáne oǵan qatyspaý siiaqty saqtyq sharalyn ustaný kerek. Jaqyndaryńyz ben týystaryńyzdyń densaýlyǵy sizdiń qolyńyzda», - dep túiindedi elordalyq maman.
