Argentinalyq jankúierler Dimash Qudaibergen týraly veb-oiyndar shyǵardy, dep habarlaidy "Ult aqparat" dimashnews.com saityna silteme jasap.
Shaǵyn oiyn jasaý ideiasy La Era Dimash stantsiiasynyń negizin qalaýshy Paola Profetaǵa tiesili. Ol radionyń grafikalyq dizainyna jaýap beretin Silvan Agirreden kómek suraǵan. Keiin birge otyryp, oiyndardy bezendirýge arnalǵan sýretterdi tańdaǵan. Olardyń arasynda Báiterek jáne Aqtóbe qalasynyń kórikti jerleri bar.
Oiyndar óte qarapaiym qosymshanyń kómegimen jasaldy jáne olardy tegin oinaýǵa bolady. Fanattar La Era Dimash stantsiiasynyń jobasyn qýana qabyldaǵan. Qazaqstandyq ánshiniń ártúrli jastaǵy jankúierleri rizashylyq bildirýde. Óitkeni oiyndar jeńil jáne bos ýaqytty kóńildi ótkizýge kómektesedi.
Endi La Era Dimash stantsiiasy ózge de oiyn-saýyq jobalardy daiyndamaq. Máselen, Dimash jáne Qazaqstannyń mádenieti týraly viktorina-qosymshany qurý josparlanýda.
Eske salaiyq, Dimash pen onyń jankúierlerine arnalǵan La Era Dimash atty táýlik boiy jumys isteitin alǵashqy radiostantsiia 2020 jyldyń 14 shildesinde quryldy. Dimashtyń ánderi ǵana oryndalatyn radiony ashý týraly ideia onyń argentinalyq jankúieri Paola Profetaǵa 2019 jyldyń tamyz aiynyń sońynda kelgen. Boijetkenge Latyn Amerikadaǵy jáne búkil álemdegi Dears belsendi qoldaý bildirgen.
