Orta salmaqtaǵy qazaqstandyq boksshy Jánibek Álimhanuly (8-0, 4 KO) Álemdik boks keńesi (WBC) reitinginde pozitsiiasyn jaqsartty, – dep habarlaidy Sports.kz.
Sportshylardyń dárejesi týraly kesteniń jańartylǵan nusqasynda Jánibek 13-ten 15-orynǵa kóterilip, óz divizionynyń TOP-15 quramyna endi. Ol buǵan deiin 16-dan 15-orynǵa joǵarylaǵan bolatyn. Úzdik úshtikke amerikalyq Deniel Djeikobs, ýkrainalyq Sergei Derevianchenko jáne birinshi orta salmaqtaǵy burynǵy álem chempiony, meksikalyq Haime Mýngiia engen. WBC reitingi boiynsha álem chempiony - AQSh-tyq Djermall Charlo, al «franchaizingtik» chempion – meksikalyq boksshy Saýl «Kanelo» Alvares.
Eske salsaq, Jánibek Álimhanuly 10 qarasha kúni kanadalyq boksshy Onolýnoseni (24-3-1, 8 KO) jeńip, orta salmaqtaǵy WBO Global jáne WBC Continental Americas titýldaryn qorǵap qaldy. Jekpe-jek Kaliforniia shtatyndaǵy Fresno qalasynda ótti.
