Rio-de-Janeiroda ótip jatqan Olimpiada oiyndarynda bokstan 75 kelige deiin salmaqta óner kórsetetin sportshylardyń básekesi jalǵasýda.
Osy salmaqta Aljirdiń namysyn qorǵap jatqan Ilias Abbadi búgin 1/16 finalda kongolyq Anaýel Mli Ngamisengeni 3:0 (30:27, 29:28, 29:28) esebimen utty. Endi ol 1/8 finalda qazaqstandyq Jánibek Álimhanulymen kezdesedi. Olardyń jekpe-jegi osy aptanyń jumasynda, iaǵni 12 tamyzda saǵat 22:30-da ótedi.
