Braziliianyń Rio-de Janeiro qalasynda ótip jatqan Olimpiada oiyndarynda bokstan 75 kelige deiin salmaqta óner kórsetip jatqan Jánibek Álimhanuly shirek finalǵa joldama aldy.
Almaty oblysynyń týmasy 1/8 finalda Aljir boksshysy Ilias Abbadimen jolyqty. 2013 jylǵy álem chempiony kezdesý tizginin óz qolyna alyp, úsh raýnd boiy basymdyq tanytty.
Jánibek osynyń aldynda aǵylshyn Entoni Faýlerdi jeńgen edi. Shirek finalda Artem Chebotarev (Resei) - Kamran Shahsývarly (Ázirbaijan) jubynyń jeńimpazymen kezdesedi.
Aita keteiik, Rio Olipiadasynyń alǵashqy jarys kúni 60 kelige deiingi salmaq dárejesinde óner kórsetken Berik Ábdirahmanov birinshi ainalymnan asa almai, jarysty erte aiaqtaǵan bolatyn. Keshe 49 kelidegi Birjan Jaqypov shirek finalda utylyp, júldeden qur qaldy. Al Vasilii Levit jartylai finalǵa joldama aldy. Sondai-aq búgin Qairat Eraliev 2013 jylǵy álem chempiony Djavid Chelebievti, Daniiar Eleýsinov aǵylshyn Djosh Kellidi, Ádilbek Niiazymbetov belarýs boksshysy Mihail Dolgolevetsty utsa, jas boksshymyz Abylaihan Júsipov jarys jolynan shyǵyp qaldy.
Ult portaly
