Qazaqstandyq boksshy Jánibek Álimhanuly orta salmaqta Las-Vegasta (Nevada shtaty, AQSh) argentinalyq Gonsalo Koriiany nokaýtpen jeńdi, dep habarlaidy "Ult aqparat".
Jekpe-jek on raýndqa eseptelgenimen, kezdesý ekinshi kezeńde bitti.
Jánibektiń dál tigen aýyr soqqysynan keiin G.Koriia ornynan tura almai qaldy. Munyń aldynda argentinalyq boksshy birinshi raýndta nokdaýnǵa túsken edi.
Osylaisha 27 jastaǵy J.Álimhanuly kásipqoi bokstaǵy toǵyzynshy jeńisine qol jetkizip, WBO Global jáne WBC ContinentalAmericas titýldaryn qorǵap qaldy.
Al 23 jastaǵy G.Koriia buǵan deiin 16 jekpe-jek ótkizip, sonyń úsheýinde utylyp qalǵan bolatyn. Bul – onyń tórtinshi jeńilisi.
