Qazaqstannyń Densaýlyq saqtaý ministri mindetin atqarýshy Jandos Búrkitbaev óziniń taǵaiyndalýyna qatysty pikir bildirdi, - dep habarlaidy Tengrinews.kz.
"Memlekettik qyzmette jumys isteý - árqashan jaýapty bolý. Bul - eń aldymen, ózińe, áriptesterimizge, halqymyzǵa degen úlken jaýapkershilik. Densaýlyq saqtaý ministrliginiń negizgi róli - Qazaqstan azamattarynyń densaýlyǵyn qorǵaý. Taǵaiyndaý eshteńeni bildirmeidi, óz mindetimdi atqara beremin", - dedi Búrkitbaev Úkimet otyrysynan keiin.
Jandos Búrkitbaev Tsoidyń ketýine qatysty memlekettik organdardyń birinshi basshysyn taǵaiyndaý, jumystan bosatý týraly sheshimdi joǵary basshylyq qabyldaitynyn aitty.
"Tiisinshe, buǵan pikir bildirýim orynsyz. Memlekettik saiasi qyzmetker retinde men tapsyrmalardy oryndaimyn, ókilettikter aiasynda mindetterdi oryndaimyn. Jumys josparly, júieli júrgizilip jatyr. Sol jospar boiynsha júiel máselelermen ainalysyp jatyrmyz", - dep túiindedi ol.
Aita keteiik, Prezident Qasym-Jomart Toqaev Aleksei Tsoidy densaýlyq saqtaý ministri qyzmetinen bosatqan bolatyn.
20 jeltoqsanda Jandos Búrkitbaev Densaýlyq saqtaý ministrligi basshysynyń mindetin atqarýshy boldy.
