Almaty qalasynyń bas sanitarlyq dárigeri Jandarbek Bekshin COVID-19 ekinshi tolqyny týraly pikir bildirdi, dep habarlaidy "Ult aqparat".
«Mundai pikirge negiz bar, óitkeni koronavirýs infektsiiasy jiti respiratorlyq virýstyq infektsiia bolyp sanalady. Biraq, JRVI kúz ben qystyń basynda, salqyn ýaqytta bastalady. Sondyqtan men de koronavirýstyń ekinshi tolqyny kúzgi ýaqytta bastalýy múmkin dep esepteimin», - dedi Jandarbek Bekshin Almaty telearnasyna bergen suhbatynda.
Sonymen birge, dáriger qala turǵyndaryna bosańsymaýǵa keńes berdi.
«Infektsiia juqtyrý jaǵdailary áli de tirkelip jatyr jáne epidemiologtar usynǵan shekteýler men qaǵidalar saqtalýy tiis», - dedi ol.
Onyń aitýynsha, 11 mamyrdan keiingi karantin rejimi boiynsha kóptegen suraqtar túsip jatyr. Ázirge respýblikanyń bas sanitarlyq dárigeriniń tiisti qaýlysy kútilýde.
«Árine, negizgi qaýlyda aitylmaǵan tustardy qosamyz jáne olardyń qatań saqtalýyn suraimyz», - dedi J. Bekshin.
Eske salaiyq, Almatynyń bas sanitarlyq dárigeri qalada karantin rejimi 11 mamyrdan keiin de saqtalatynyn aitqan bolatyn. Osyǵan bailanysty shaharǵa kireberis joldardaǵy blokpostar jumysyn jalǵastyrady.
