30 sáýirde Qazaqstannyń basym bóliginde atmosferalyq frontaldy bólikterdiń ótýine bailanysty aýa raiy qubylmaly bolady, dep habarlaidy "Ult aqparat" Qazgidrometke silteme jasap.
Juma kúni elimizdiń kei jerlerinde naizaǵai oinap, jańbyr jaýady, tek elimizdiń batys jartysynda antitsiklon jotasynyń áserinen kún raiy ashyq bolady. Kei jerlerde jel kúsheiedi, ońtústikte shańdy daýyl soǵady, ońtústik-shyǵysta burshaq jaýyp, soltústikte tuman túsýi yqtimal.
Túrkistan oblysynda tańerteń jáne kúndiz kei jerlerde shańdy daýyl soǵýy múmkin, kei jerlerde jel kúsheiedi, jyldamdyǵy 15-20 m/s, ekpini 25 m/s jetedi.
Soltústik Qazaqstan oblysynda túnde jáne tańerteń kei jerlerde tuman túsýi múmkin, jel kúsheiedi, kúndiz jyldamdyǵy 15-20 m/s, ekpini 23 m/s jetedi.
Qyzylorda, Qostanai, Qaraǵandy, Shyǵys Qazaqstan oblystarynda, kúndiz Almaty, Jambyl oblystarynyń kei jerlerinde jel 15-20 m/s kúsheiedi, Jambyl oblysynda kúndiz burshaq jaýýy yqtimal.
Pavlodar oblysynyń kei jerlerinde túnde tuman túsedi.
